Barku pirata!!! mmm

Beti gogoratuko dut pastel hau. Txikitan urtebetze jaietan egiten bait genuen etxean. Aitak eta nik egiten genuen gehien bat, eta arrakasta itzela izaten zuen nahiz eta funtsean oso sinplea izan. Etxean barku pirataren formarekin egiten genuen gehienetan, baina forma ugari egin daitezke, irudimena besterik ez da behar, adibidez, trenak, herri bat, ...

Osagaiak:

• Gailetak karratuak (borobilak, karratuak, angeluzuzenak, izan daitezke .... aukeratu dugun formaren arabera).
• Gurina
• Azukre pixka bat
• Gozogintzarako txokolatea
• 2 gorringo
• Esne hotza
• aluminiozko papera

Egiteko era:

1. Gurina eta azukre nahastu, eta gero oso ondo irabiatutako gorringoak gehituko ditugu.
2. Txokolatea eta aurrez egindako krema maria bainuan jarriko dugu.
3. Esne hotza plater sakon batean jarri. Aluminiozko papera mahai gainean zabaldu.
4. Gailetak banan banan esne hotzean busti, kontu handi izanda (gehiegi buztiz gero, apurtu daitezke) eta bost gailetako lerro bat egin, aluminiozko paperaren gainean.
5. Egindako lerroa maria bainuan prestatutako txokolate kremarekin estali.
6. Bost gaileta gehiago busti eta besteen gainean jarri, eta gero txokolatearekin estali. prozesu hau estali nahi dugun altuera lortu arte.
7. Gaileta guztiak jarrita daudenean, pastela txokolate kremarekin estaliko dugu.
8. Dekorazio bezala, lakasitoak, gominolak eta gozokiak erabiliko ditugu. Gainera, pastela anbientatzeko, piraten banderatxoak jarri ditzakegu.
9. Amaitzeko, eta gozoago egon dadin, hozkailuan sartuko dugu bi orduz.